அரவக்குறிச்சியில், இரண்டு ஆண்டுகளுக்கும் மேலாக ராமநாதபுரம்-காவிரி குடிநீர் திட்டத்திற்காக அரவக்குறிச்சி சாலைகளில், பெரிய அளவில் குழிகள் தோண்டப்பட்டு, ராட்சத இரும்பு குழாய்கள் பதிக்கும் பணிகள், ஆறு மாதங்களுக்கு முன்பு முடிக்கப்பட்டது.தற்போது சேதமடைந்த சாலைகளை, சீரமைக்கும் பணி நடைபெற்று வருகிறது. இந்நிலையில், அரவக்குறிச்சியில் இருந்து பள்ளப்பட்டி செல்லும் சாலையில், என்.எஸ் மஹால் அருகே நேற்று காலை ராட்சத குழாயில் உடைப்பு ஏற்பட்டு குடிநீர் பொங்கி வழிந்தது. இதனால் வாகன ஓட்டிகள், அருகில் உள்ள வணிகர்கள் பீதி அடைந்தனர்.

ஆறு மாதங்களுக்கு முன்பு, கேரள மாநிலத்தில் இதுபோன்று ராட்சத குழாயில் உடைப்பு ஏற்பட்டு பரபரப்பை ஏற்படுத்தியது. இதே போல அரவக்குறிச்சியிலும், உடைப்பு ஏற்பட்டதால் ஆயிரக்கணக்கான லிட்டர் குடிநீர், சில மணி நேரத்தில் வீணாகியது. பின்னர் பொக்லைன் இயந்திரம் கொண்டு, உடைப்பு ஏற்பட்ட ராட்சத குழாயை சரி செய்யும் பணியில் பணியாளர்கள் ஈடுபட்டனர்.