தற்போது விவசாயிகளின் பதிவு விபரங்களுடன் ஆதார் எண், கைபேசி எண், நில உடமை விபரங்களையும் இணைக்கும் பணி, அரவக்குறிச்சி வருவாய் கிராமத்தில் உள்ள தொடக்க வேளாண்மை கூட்டுறவு கடன் சங்கம், கிராம பஞ்சாயத்து அலுவலகத்தில் நடந்து வருகிறது. மேலும் விவசாயிகள் பொது சேவை மையம் சென்று இப்பதிவுகளை மேற்கொள்ளலாம்.

நில உடமை விபரங்கள் இணைக்கப்பட்ட பின், அனை த்து விபரங்களுக்கும் ஒருங்கிணைக்கப்பட்ட ஆதார் எண் போன்ற, தேசிய அளவிலான விவசாயிகளுக்கான அடையாள அட்டை வழங்கப்படும். 2025--26ம், நிதியாண்டு முதல் பிரதம மந்திரி கவுரவ நிதி திட்டம், பயிர் காப்பீட்டு திட்டம் போன்ற மத்திய, மாநில அரசு திட்டங்களில் விவசாயிகள் எளிதில் பயன்பெற விவசாய தனித்துவ அடையாள அட்டை எண் மிகவும் அவசியம். எனவே விவசாயிகள், தோட்டக்கலைத்துறை அலுவலர்களை அணுகி, சிறப்பு முகாம்கள் மற்றும் அருகில் உள்ள பொது சேவை மையங்களுக்கு சென்று தங்கள் நில உடமை விபரங்கள், ஆதார் எண், ஆதாருடன் இணைக்கப்பட்ட கைப்பேசி எண் ஆகிய விபரங்களை அளித்து எவ்வித கட்டணமும் இன்றி மார்ச், 31ம் தேதிக்குள் இத்திட்டத்தில் பதிவு செய்து பயன்பெறலாம். இத்தகவலை, அரவக்குறிச்சி வேளாண்மை உதவி இயக்குனர் ராஜா தெரிவித்துள்ளார்.