இது குறித்து, அவர் வெளியிட்ட அறிக்கையில் கூறியிருப்பதாவது:

தமிழகத்தில், மாற்றுத்திறனாளிகள் நலனுக்காக சிறப்பாக பணிபுரிந்தவர்கள் மற்றும் நிறுவனங்களுக்கு முதல்வர் விருது வழங்கப்படுகிறது.- 10 கிராம் எடையுள்ள தங்கப்பதக்கம், சான்றிதழ் என, 22 விருதுகள் வழங்கப்படுகிறது. https://awards.tn.gov.in என்ற இணையதளத்தில் உள்ள விண்ணப்ப படிவத்தில் விபரங்களை பதிவு செய்தும், கோரப்பட்ட விபரங்களை இணைத்தும் வரும், 26க்குள் விண்ணப்பிக்கலாம். இணையதளத்தில் விண்ணப்பிக்காத விண்ணப்பங்கள் ஏற்று கொள்ளப்பட மாட்டாது. மேலும், விண்ணப்பத்தின் இரண்டு நகல்களை, 26 மாலை, 5:00 மணிக்குள் கரூர் கலெக்டர் அலுவலக வளாகத்தில் செயல்படும் மாவட்ட மாற்றுத்திறனாளிகள் நல அலுவலகத்தில் ஒப்படைக்க வேண்டும்.

இவ்வாறு, அதில் கூறப்பட்டுள்ளது.