/
உள்ளூர் செய்திகள்
/
கரூர்
/
'பசுமை சாம்பியன்' விருது விண்ணப்பிக்க அழைப்பு
/
'பசுமை சாம்பியன்' விருது விண்ணப்பிக்க அழைப்பு
ADDED : டிச 01, 2025 02:36 AM
கரூர்: 'பசுமை சாம்பியன் விருது பெற விண்ணப்பிக்கலாம்' என, கலெக்டர் தங்கவேல் தெரிவித்தார்.
இதுகுறித்து அவர் வெளியிட்ட செய்திக்குறிப்பு: தமிழக அரசின் சுற்றுச்சூழல் காலநிலை மாற்றம், வனத்துறை, சுற்றுச்சூழல் பாதுகாப்பு மற்றும் விழிப்புணர்வு ஏற்படுத்தும் பொருட்டு, ஆண்டுதோறும், 'தமிழ்நாடு பசுமை சாம்பியன் விருது' வழங்கப்படுகிறது. இப்பணியில், தங்களை முழுமையாக அர்ப்பணித்த தனிநபர் மற்றும் அமைப்புகளுக்கு, 100 பேருக்கு, தலா, 1,00,000 ரூபாய் வீதம் பரிசு தொகை வழங்கப்படும். சுற்-றுச்சூழல் பாதுகாப்பு மற்றும் விழிப்புணர்வை சிறப்பாக செயல்ப-டுத்திய நிறுவனங்கள், கல்வி நிறுவனங்கள், குடியிருப்போர் நல சங்கங்கள், தனிநபர்கள், உள்ளாட்சி அமைப்புகள், தொழிற்சாலை-களுக்கு விருது வழங்கப்படும்.
சுற்றுச்சூழல் கல்வி மற்றும் பயிற்சி, சுற்றுச்சூழல் விழிப்பு-ணர்வு, சுற்றுச்சூழல் பாதுகாப்பு, பசுமை தயாரிப்பு, பசுமை தொழில்நுட்பம் தொடர்பான விஞ்ஞான ஆய்வுகள், நிலைத்தகு வளர்ச்சி, திடக்கழிவு மேலாண்மை, நீர் மேலாண்மை மற்றும் நீர் நிலைகள் பாதுகாப்பு, காலநிலை மாற்றத்திற்கு உட்படுதல் மற்றும் தணிப்பு நடவடிக்கை, காற்று மாசு குறைத்தல், பிளாஸ்டிக் கழிவுகளின் மறுசுழற்சி மற்றும் கட்டுப்பாடு நடவ-டிக்கை உட்பட பல்வேறு பணிகளில் ஈடுபட்டவர்கள் விண்ணப்-பிக்கலாம். தமிழக மாசு கட்டுப்பாடு வாரியம், மாவட்ட கலெக்-டரின் தலைமையில் அமைக்கப்பட்ட குழு தேர்வு செய்யும். இதற்கான விண்ணப்ப படிவம், www.tnpcb.gov.in என்ற மாசு கட்-டுப்பாடு வாரிய இணையதளத்தில் பதிவிறக்கம் செய்து கொள்-ளலாம். இந்த விருதுக்கு விண்ணப்பிக்க ஜன., 20 கடைசி நாள் ஆகும்.
இவ்வாறு அதில் கூறப்பட்டுள்ளது.

