கரூர் மாவட்ட விவசாயிகள் குறைதீர் கூட் டம், கலெக்டர் அலுவலக கூட்ட அரங்கில் நேற்று நடந்தது. அதில், விவசாயிகள் தரப்பில் இருந்து எழுப்பப்பட்ட, பல்வேறு கேள்விகளுக்கு அரசு துறை அதிகாரிகள் பதில் அளித்தனர். பிறகு, கலெக்டர் தங்கவேல் பேசியதாவது: கரூர் மாவட்டத்தில் உள்ள அனைத்து தனியார் மற்றும் கூட்டுறவு சங்கங்களில் போதுமான அளவில், 3,228 மெட்ரிக் டன் ரசாயன உரங்கள் இருப்பு வைக்கப்பட்டுள்ளன. நெல் பயிர் சாகுபடிக்காக, 31 மெட்ரிக் டன் விதைகள் இருப்பு வைக்கப்பட்டுள்ளது. அதேபோல், சிறுதானிய விதைகள், 20.100 மெட்ரிக் டன், பயறு வகைகள், 6,000 மெட்ரிக் டன், எண்ணை வித்துக்கள், 3,500 மெட்ரிக் டன் இருப்பில் உள்ளது.கரூர் மாவட்டத்தில், இயல்பான ஆண்டு மழையளவு, 652.20 மி.மீ., நடப்பு நவம்பர் மாதம் வரை, 507.62 மி.மீ., மழை பெய்துள்ளது. டிசம்பர் மாதம் வரை, இயல்பான அளவை விட, 144.58 மி.மீ., மழை குறைவாக பெய்துள்ளது. இவ்வாறு, அவர் பேசினார்.

கூட்டத்தில், டி.ஆர்.ஓ., விமல்ராஜ், வேளாண்மை இணை இயக்குனர் சிங்காரம், கலெக்டரின் நேர்முக உதவியாளர் (விவசாயம்) உமா உள்பட அரசு துறை அதிகாரிகள் பங்கேற்றனர்.