மாணவர்களுடைய வாசிப்புத் திறனை மேம்படுத்தும் வகையில் செயல்படும், நாமக்கல்லை சேர்ந்த விதை சிறார் வாசிப்பு இயக்கம், அரவக்குறிச்சி ஊராட்சி ஒன்றிய நடுநிலைப் பள்ளிக்கு காலைக்கதிரின் மாணவர் பதிப்பான பட்டம், 125 பிரதிகளும், மேலும் சிறார் இதழ்களான பொம்மி, சுட்டியானை ஆகியவற்றை வழங்கியிருந்தனர்.அதன் வாசிப்பு துவக்க விழா நேற்று நடந்தது. தலைமையாசிரியர் சாகுல் அமீது துவக்கி வைத்தார். ஆசிரியர்கள் ஷகிலா பானு, சரசேஸ்வரி, சகாயவில்சன் ஆகியோர் உட்பட பலர் பங்கேற்றனர்.