தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/உள்ளூர் செய்திகள்/கரூர்/ கலந்தாய்வு கூட்டம்

கலந்தாய்வு கூட்டம்

கலந்தாய்வு கூட்டம்


ADDED : மே 13, 2026 06:12 AM

Follow on GoogleFavourite on Google

ADDED : மே 13, 2026 06:12 AM


Follow on Google
அ நிறம் | அளவு

திருச்சி மாவட்டத்தில் இருந்து, கரூர் மாவட்டம் கடந்த, 1995ம் ஆண்டு இறுதியில் தனியாக பிரிக்கப்பட்டது. 1996ம் ஆண்டு நடந்த உள்ளாட்சி தேர்தலில், வெற்றி பெற்ற மாவட்ட பஞ்சாயத்து தலைவருக்கு, கரூர் மாவட்ட கலெக்டர் அலுவலகத்தில் உள்ள இணைப்பு கட்டடத்தில் அறை ஒதுக்கப்பட்டது.

மேலும், மாவட்ட பஞ்சாயத்து கூட்டமும், அந்த கட்டடத்தில் உள்ள கூட்ட அரங்கில் நடந்து வருகிறது. அதே கூட்ட அரங்கில், மற்ற அரசு துறைகளின் சார்பில் கலந்தாய்வு கூட்டமும் நடந்து வருகிறது. கடந்த, 25 ஆண்டுகளாக ஒரே கட்டடத்தில் உள்ள கூட்ட அரங்கில், மாவட்ட பஞ்சாயத்து கூட்டமும், பல்வேறு துறை சார்ந்த கூட்டமும் நடந்து வந்தது.

நிறைவேற்றப்பட்ட தீர்மானம்

குறிப்பாக, வேறு அரசு துறைகளின் கூட்டம் நடக்காத போது, மாவட்ட பஞ்சாயத்து கூட்டம் நடத்த வேண்டிய நிலை உள்ளது. இந்நிலையில் கடந்த, 2011 அக்டோபர் மாதம் நடந்த உள்ளாட்சி தேர்தலில், அ.தி.மு.க., வெற்றி பெற்று, மாவட்ட பஞ்சாயத்தை பிடித்தது. மொத்தமுள்ள, 12 மாவட்ட கவுன்சிலர்களும், அ.தி.மு.க.,வை சேர்ந்தவர்களே வெற்றி பெற்றனர். இதையடுத்து, கரூர் மாவட்ட பஞ்சாயத்து நிர்வாக வசதிக்காக, கரூர் கலெக்டர் அலுவலக

பெருந்திட்ட வளாகத்தில், புதிய கட்டடம் கட்ட முடிவு செய்யப்பட்டது. இது தொடர்பான தீர்மானம் கடந்த, 2012ல் மாவட்ட பஞ்சாயத்து கூட்டத்தில் நிறைவேற்றப்பட்டது.

கட்சியினர் எதிர்பார்ப்பு

கரூர் மாவட்ட பஞ்சாயத்தில் பொறுப்பில் (2011---16) இருந்த, 12 கவுன்சிலர்களும் அ.தி.மு.க.,வை சேர்ந்தவர்கள் என்பதால், புதிய கட்டட பணிகள் எளிதாக துவங்கும் என எதிர்பார்க்கப்பட்டது. ஆனால் கட்டப்படவில்லை.

பிறகு, 2019ல் நடந்த ஊரக உள்ளாட்சி தேர்தலில், அ.தி.மு.க.,வை சேர்ந்த கண்ணதாசன் தலைவராக பொறுப்பேற்றார். 2021ல் நடந்த சட்டசபை தேர்தலில், தி.மு.க., ஆட்சி ஏற்பட்டதால், மாவட்ட அ.தி.மு.க., கவுன்சிலர்கள் சிலர், தி.மு.க.,வுக்கு தாவினர். இதனால், மாவட்ட பஞ்சாயத்துக்கு என, புதிய கட்டடம் கட்டும் பணி கடந்த, 14 ஆண்டுகளாக கிடப்பில் உள்ளது. இந்நிலையில், ஊரக உள்ளாட்சி அமைப்புகளின் பதவிக்காலம் கடந்த, 2024 ஜன., மாதம் நிறைவு பெற்றது. சமீபத்தில் நடந்து முடிந்த சட்டசபை தேர்தலில் த.வெ.க., கூட்டணி அரசு அமைந்துள்ளது. இதனால், ஊரக உள்ளாட்சி அமைப்புகளுக்கு தேர்தல் நடக்கும் என எதிர்பார்க்கப்

படுகிறது.

எனவே, 2012ம் ஆண்டு நடந்த மாவட்ட பஞ்சாயத்து கூட்டத்தில், நிறைவேற்றப்பட்ட தீர்மானத்தின்படி, கரூர் மாவட்ட பஞ்சாயத்து நிர்வாக வசதிக்காக, புதிய கட்டடம் கட்ட புதிய த.வெ.க., அரசு நடவடிக்கை எடுக்க வேண்டும் என, அனைத்து அரசியல் கட்சி பிரதிநிதிகளும் எதிர்பார்க்கின்றனர்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us