அரவக்குறிச்சி : கோவை மாவட்டம், வெள்ளியங்கிரி மலைப்பகுதியில் பெய்யும் மழையால் உருவாகும் நொய்யல் ஆறு, திருப்பூர், கரூர் மாவட்டம் வழியாக சென்று காவிரி ஆற்றில் கலக்கிறது. பெரும்பாலான நாட்களில் நொய்யல் ஆற்றில் தண்ணீர் வருவதில்லை. தற்போது, மேற்கு தொடர்ச்சி மலையில் தொடர்ந்து பெய்து வரும் மழையால், நொய்யல் ஆற்றில் தண்ணீர் வரத்து அதிகரித்துள்ளது. அதேசமயம் திருப்பூரில் செயல்படும் சாயப்பட்டறைகளில் இருந்து வெளியேறும் சாயக்கழிவுகளை சுத்திகரிக்கும் செலவை மிச்சப்படுத்துவதற்காக, சாயப்பட்டறை உரிமையாளர்கள் சாயக்கழிவுநீரை அப்படியே நொய்யல் ஆற்றில் திறந்து விடுகின்றனர்.