வெற்றிலையை கூலி ஆட்கள் மூலம் பறித்து, 100 வெற்றிலை கொண்டதை ஒரு கவுளியாகவும், 104 கவுளி கொண்டதை ஒரு சுமையாகவும் கட்டுகின்றனர். அதன் பிறகு உள்ளூர் பகுதிகளுக்கு வரும் வியாபாரிகளுக்கும், பாலத்துறை பகுதியில் செயல்பட்டு வரும் தனியார் வெற்றிலை மண்டிகளுக்கும், அருகாமையில் செயல்பட்டு வரும் தினசரி ஏல மார்க்கெட்டுகளுக்கும் கொண்டு சென்று விவசாயிகள் விற்பனை செய்து வருகின்றனர்.

கடந்த வாரம் வெள்ளை கொடி வெற்றிலை இளம் பயிர் சுமை ஒன்று, 6,000 ரூபாய்க்கு ஏலம் போனது. தற்போது வரத்து குறைந்துள்ளதால், இளம் பயிர் வெற்றிலை சுமை ஒன்று, 8,000 ரூபாய்க்கு உயர்ந்துள்ளது. இதனால் இளம் பயிர் வெற்றிலை பயிரிட்டுள்ள விவசாயிகள் மகிழ்ச்சி அடைந்துள்ளனர்.