கரூர் நகரின் மையப்பகுதியான ஜவஹர் பஜாரையொட்டி, மாந-கராட்சி பசுபதீஸ்வரா பெண்கள் மேல்நிலைப்பள்ளி உள்ளது. இந்த சாலை வழியாக, புலியூர், காந்திகிராமம், தான்தோன்றி-மலை, ராயனுார், வெள்ளியணை உள்ளிட்ட பகுதிகளில் இருந்து, கரூர் மாநகராட்சி கஸ்துாரிபாய் தாய் சேய் மருத்துவமனைக்கு ஆம்புலன்ஸ் வாகனங்கள் சென்று வருகின்றன. மேலும், அருகில் உள்ள கல்யாண பசுபதீஸ்வரா கோவிலுக்கு தினமும் நுாற்றுக்க-ணக்கானோர் வருகின்றனர்.இந்நிலையில், பசுபதீஸ்வரா பெண்கள் மேல்நிலைப்பள்ளி சாலையில் பகல், இரவு நேரத்தில் லாரிகள், மினி வேன்கள் நிறுத்-தப்படுகின்றன. குறிப்பாக, குடியிருப்புகளை மறைத்து லாரிகள் நிறுத்தப்படுவதால், அப்பகுதி மக்கள் சிரமப்படுகின்றனர்.

ஜவஹர் பஜாரில் உள்ள வர்த்தக நிறுவனங்களுக்கு செல்வோர் கார், வேன், லாரி உள்ளிட்ட வாகனங்களை பள்ளி முன்புறமும், வீடுகளுக்கு முன்னும் நிறுத்தி விட்டு செல்கின்றனர். தாய் சேய் மருத்துவமனைக்கு ஆம்புலன்ஸ் செல்வதில் சிரமம் ஏற்படுகிறது. பள்ளிக்கு சைக்கிளில் செல்லும் மாணவியரும் சிரமப்படுகின்-றனர்.

எனவே, பசுபதீஸ்வரா பெண்கள் மேல்நிலைப்பள்ளி சாலையில் லாரிகள் மற்றும் வேன்களை நிறுத்துவோர் மீது கடும் நடவடிக்கை எடுக்க வேண்டும்.