தற்போது, முருங்கை மரத்தில் பூக்கள் பூக்கும் தருவாயில் உள்ளது. ஆனால், அதிகளவு பூச்சி தாக்குதலால் மகசூல் பாதிக்கும் அபாயம் ஏற்பட்டுள்ளது. குறிப்பாக, பிஞ்சு முருங்கை காய்களில் பூச்சி தாக்குதல் உள்ளது. எனவே, முருங்கை மரங்களில் பூச்சி தாக்குதலை தடுக்க வேண்டிய நடவடிக்கை, பயிர் பாதுகாப்பு முறை குறித்து, அரசு சார்பில் விவசாயிகளுக்கு ஆலோசனை வழங்க வேண்டும்.மேலும், காய்கறி பயிர்களில் பூச்சி தாக்குதலால், அதிகளவு விவசாயிகள் பாதிக்கப்பட்டுள்ளனர். இது தொடர்பான விவசாயிகளுக்கும், அரசு சார்பில் பயிர் பாதுகாப்பு முறை குறித்து தகுந்த ஆலோசனை வழங்க வேண்டும் என, விவசாயிகள் கோரிக்கை விடுத்துள்ளனர்.