குளித்தலை அடுத்த, அய்யர்மலையில் பொது சுகாதார துறை சார்பில், சோம வாரத்தையொட்டி இரண்டு இடங்களில் பொது மருத்துவ முகாம் நடந்தது.

அய்யர்மலை அடிவாரம் மற்றும் மலை உச்சியில், வட்டார மருத்துவர் சிவக்குமார் தலைமையில் மருத்துவ குழுவினர், கோவிலுக்கு வரும் பக்தர்களுக்கு இலவச மருத்துவ முகாம் நடத்தினர். மாவட்ட சுகாதார அலுவலர் சுப்பிரமணியன் ஆய்வு செய்தார். அப்போது, தொடர்ந்து கார்த்திகை மாத சோம வாரத்தில், இரண்டு இடங்களிலும் பொது மருத்துவ முகாம் நடைபெற வேண்டும், பக்தர்களுக்கு பரிசோதனை செய்து, மருந்து, மாத்திரைகள் வழங்க வேண்டும் என உத்தரவு பிறப்பித்தார்.