நியமன உறுப்பினராக தேர்வு செய்யப்பட்ட மாற்றுத்திறனாளி செல்வத்தை, கூட்டத்தில் அறிமுகம் செய்து வைத்தனர். அலுவலக இளநிலை உதவியாளர் கோவிந்த் தீர்மானங்களை வாசித்தார். பின்னர் கூட்டத்தில் நடந்த விவாதம் வருமாறு:

தி.மு.க., கவுன்சிலர் சந்துரு: வளர்ச்சி பணிகள் செய்வதாக தீர்மானங்கள் நிறைவேற்றப்பட்டும் பணி துவங்காமல் உள்ளது. தீர்மானங்கள் மட்டுமே நிறைவேற்றப்படுவதால் மக்கள் மத்தியில் கெட்ட பெயர் ஏற்படுகிறது.

அ.தி.மு.க., கவுன்சிலர் கணேசன்: கூட்டத்தில் நிறைவேற்றப்பட்ட பணிகளை துவங்க

நடவடிக்கை எடுக்க வேண்டும்.

தலைவர் சகுந்தலா: தீர்மானங்களாக நிறைவேற்றப்பட்ட பணிகள், படிப்படியாக துவங்கப்படும்.

தி.மு.க., கவுன்சிலர் பிச்சை: இன்னும் ஒன்றரை ஆண்டுகளே காலம் உள்ளது. நிறைவேற்றப்பட்ட பணிகள் நடைபெற்றால்தான், வரும் சட்ட சபை தேர்தலுக்கு பொதுமக்களை நாடி செல்ல முடியும். உடனே பணிகளை துவங்குவது நல்லது.

தலைவர் சகுந்தலா: நிறைவேற்றப்பட்ட பணிகள் தொடர்ந்து நடைபெறும்.

இவ்வாறு விவாதம் நடந்தது.

அவசர கூட்டத்தில், 25 தீர்மானங்கள் நிறைவேற்றப்பட்டன.