ஈரோடு : ஈரோடு மாநகரில் பிரசித்தி பெற்ற பெரியமாரியம்மன் கோவில், அதன் வகையறா கோவில்களான சின்ன மாரியம்மன், காரை வாய்க்கால் மாரியம்மன் கோவில்களின் நடப்பாண்டு குண்டம் மற்றும் தேர்த்திருவிழா, நேற்றிரவு பூச்சாட்டுதலுடன் தொடங்கியது. இதையொட்டி முன்னதாக பெரிய மாரியம்மனுக்கு, 16 வகை திரவிய அபிஷேகம் செய்து, சிறப்பு அலங்காரத்தில் அம்மன் பக்தர்களுக்கு காட்சியளித்தார். பூச்சாட்டு விழாவையொட்டி, கோவில் முழுவதும் மலர்களால் அலங்கரிக்கப்பட்டது.