கரூர்: கரூர் மாவட்ட தொழில் மையம், குறு, சிறு மற்றும் நடுத்தர தொழில் நிறுவனங்கள் துறை சார்பில், அரசு மான்யத்துடன் கூடிய தொழில் கடன் வழங்கும் விழா, கலெக்டர் அலுவலக வளாகத்தில் நேற்று நடந்தது. அதில், மகளிர் திட்டம், வேளாண்மை துறை, வேளாண் விற்பனை துறை, கால் நடை துறை, கைத்தறி துறை, வாழ்ந்து காட்டுவோம் திட்டம், கூட்டுறவு துறை, மாற்றுத்திறனாளிகள் துறை உள்ளிட்ட, பல்வேறு துறைகளின் சார்பில், 1,062 பயனாளிகளுக்கு, 107.28 கோடி ரூபாய் மதிப்பில், திட்ட கடனுதவிக்கான ஆணைகள் மற்றும் காசோலைகளை டி.ஆர்.ஓ., கண்ணன் வழங்கினார்.