சில நாட்களுக்கு முன், மாரியாயி சேற்றில் வழுக்கி விழுந்து காயமடைந்தார். அதேபோல், சித்ராவின் கணவர் சவுந்தர்ராஜனும் நோய்வாய்ப்பட்டு படுக்கையில் கிடந்தார். இருவரையும் சித்ரா பராமரித்து வந்தார். கடந்த 29ம் தேதி இரவு 9:00 மணிக்கு மாரியாயி மரணம் அடைந்தார். அந்த அதிர்ச்சியில் சவுந்தர்ராஜனும் அன்று நள்ளிரவு 2:00 மணிக்கு இறந்தார்.

தாய், கணவர் இருவரும் ஒரே நாளில் இறந்ததால், இறுதிச் சடங்குக்குக் கூட பணம் இல்லாமல் சித்ரா தவித்தார். வடசேரி ஊராட்சித் தலைவர் சரவணன், எம்.ஜி.ஆர். நகர் காலனி மக்கள், இளைஞர்கள், உறவினர்கள் உதவியுடன் இருவரது உடல்களும் நல்லடக்கம் செய்யப்பட்டது.