இந்திய பள்ளிகளின் விளையாட்டு குழுமம் சார்பில், மாநில அளவிலான சிலம்பம் போட்டி (கட்கா பிரிவு) மயிலாடுதுறையில் கடந்த, 21ல் நடந்தது. அதில், 17, 19 வயதுக்குட்பட்ட மாணவ, மாணவிகள் பிரிவில் கரூர் மாவட்டத்தை சேர்ந்த பிளஸ் 2 மாணவர் சந்துரு, மாணவிகள் ஷஸ்-மிதா, காயத்திரி ஆகியோர் வெற்றி பெற்றனர்.

அவர்களுக்கு மயிலாடுதுறை மாவட்ட, உடற் கல்வி ஆய்வாளர் உமாநாத் சான்றுகளை வழங்-கினார். விரைவில், புதுடெல்லியில் நடக்கவுள்ள, தேசிய அளவிலான சிலம்பம் கட்கா பிரிவு போட்-டியில் பங்கேற்க, சந்துரு, ஷஸ்மிதா, காயத்திரி ஆகியோர் தகுதி பெற்றுள்ளனர். தேர்ச்சி பெற்ற மாணவ, மாணவிகளை தமிழ்நாடு அமெச்சூர் கட்கா வெல்பர் அசோஷியேசன் தலைவர் சோலை, பொதுச்செயலாளர் பிரசாத், தலைமை பயிற்சியாளர் முத்துகுமார், கரூர் மாவட்ட பயிற்-சியாளர் வீரமணி ஆகியோர் பாராட்டினர்.