கரூர், கரூர் மாநகராட்சிக்குட்பட்ட வெங்கமேட்டில், உங்களுடன் ஸ்டாலின் திட்ட முகாம் நேற்று நடந்தது. கலெக்டர் தங்கவேல் தலைமை வகித்தார். கரூர் எம்.எல்.ஏ., செந்தில்பாலாஜி, பயனாளிகளுக்கு நலத்திட்ட உதவிகளை வழங்கினார். வருவாய்த் துறை சார்பில், 10 பேருக்கு வருமானச் சான்று, பிறப்பிட சான்று உள்ளிட்டவைகளையும், மாநகராட்சி சார்பில், 8 பேருக்கு சொத்துவரி பெயர் மாற்றத்திற்கான ஆணை, எரிசக்தி துறை சார்பில் இருவருக்கு மின் இணைப்பு பெயர் மாற்றத்திற்கான ஆணைகள் என மொத்தம், 20 பேருக்கு நலத்திட்ட உதவிகள் வழங்கப்பட்டன.