டிட்வா புயல் காரணமாக, தமிழகம் முழுவதும் கடந்த மூன்று நாட்களாக மழை பெய்து வருகிறது. இந்நிலையில், நேற்று முன்-தினம் இரவு முதல் கரூர் மாவட்டம் முழுவதும், விடிய விடிய மழை பெய்தது. பிறகு, சற்று ஓய்ந்திருந்த மழை மதியம், 12:00 மணி முதல் மீண்டும் பெய்ய தொடங்கியது.

* கிருஷ்ணராயபுரம், பஞ்சப்பட்டி, சேங்கல், பழையஜெயங்-கொண்டம், மாயனுார், மணவாசி, செக்கணம், கோவக்குளம், மகாதானபுரம், வயலுார், வேங்காம்பட்டி, சிவாயம், பாப்பகாப்-பட்டி, லாலாப்பேட்டை, கள்ளப்பள்ளி, சிந்தலவாடி, புனவாசிப்-பட்டி, ஆகிய பகுதிகளில் சாரல் மழை பெய்தது. மானாவாரி நிலங்களில் சாகுபடி செய்யப்பட்டுள்ள உளுந்து, கம்பு, துவரை, சோளம் பயிர்களுக்கு மழைநீர் கிடைத்துள்ளது. பயிர்கள் பசுமை-யாக செழிப்பாக வளர்ந்து வருகிறது. மழையால் விவசாயிகள் மகிழ்ச்சியடைந்தனர்.கரூர் மாவட்டத்தில் நேற்று காலை, 8.00 மணி வரை கடந்த, 24 மணி நேரத்தில் குளித்தலையில், 1.40, தோகைமலை, 1, பஞ்சப்-பட்டி, 6.60, பாலவிடுதி, 5 மி.மீ., மழை பெய்தது. மாவட்டம் முழுவதும் சராசரியாக, 1.17 மி.மீ., மழை பதிவானது.

* கரூர் அருகே, மாயனுார் கதவணைக்கு நேற்று காலை, 8:00 மணி நிலவரப்படி வினாடிக்கு, 2,690 கன அடி தண்ணீர் வந்தது. காவிரியாற்றில், சம்பா சாகுபடி பணிக்காக வினாடிக்கு, 2,170 கன அடி தண்ணீரும், நான்கு பாசன வாய்க்காலில், 520 கன அடி தண்-ணீரும் திறக்கப்பட்டது.

* க.பரமத்தி அருகே, கார்வாழி ஆத்துப்பாளையம் அணைக்கு நேற்று காலை, 8:00 மணி நிலவரப்படி வினாடிக்கு, 12 கன அடி தண்ணீர் வந்தது. 26.90 அடி உயரம் கொண்ட அணையின் நீர்-மட்டம், 25.32 அடியாக இருந்தது. நொய்யல் பாசன வாய்க்-காலில் தண்ணீர் திறப்பு நிறுத்தப்பட்டுள்ளது.

* அரவக்குறிச்சி சுற்று வட்டார பகுதிகளில், காலை முதல் மழை பெய்தது. இதனால் தாழ்வான பகுதிகளில் மழைநீர் தேங்-கியும், பொதுமக்கள் வெளியே செல்ல முடியாத நிலை ஏற்பட்-டது. பள்ளிகளுக்கு விடுமுறை என்பதால் மாணவர்கள் வீடுகளி-லேயே முடங்கினர்.