அரவக்குறிச்சி சட்டசபை தொகுதிக்குட்பட்ட பள்ளமருதப்பட்டி, எல்லைமேட்டுபுதுார், டி.வெங்கடாபுரம், குளம்நகர், செல்வநகர் ஆகிய இடங்களில் மக்களுடன் முதல்வர் திட்ட முகாம் நடந்தது. கலெக்டர் தங்கவேல் தலைமை வகித்தார். ஆதிதிராவிடர் நலத்-துறை அமைச்சர் மதிவேந்தன், பொதுமக்களிடம் மனுக்களை பெற்று கொண்டு பேசியதாவது:

பொதுமக்கள் வழங்கும் மனுக்கள் வெறும் காகிதம் அல்ல, அது அவர்களுடைய ரத்தம், வியர்வை. எனவே, அரசு அலுவலர்கள் அதனை தனி கவனம் செலுத்தி, பரிசீலித்து அதற்கு உரிய தீர்வு-களை விரைவாக வழங்க வேண்டும். கோரிக்கை மனுக்களை, 30 நாட்களில் பரிசீலித்து, தீர்வுகாண வேண்டும். மேலும் தமிழ் முதல்வன், புதுமைப்பெண் திட்டம், காலை உணவு திட்டம், மகளிர் உரிமை தொகை உள்பட பல்வேறு திட்டங்கள் செயல்ப-டுத்தப்பட்டு வருகிறது. மக்களுடன் முதல்வர் திட்டத்தின் சார்பில், 25 முகாம் மூலம், 11,038 மனுக்கள் பெறப்பட்டுள்-ளது. இவ்வாறு பேசினார்.

முகாமில், எம்.எல்.ஏ.,க்கள் மாணிக்கம் (குளித்தலை), இளங்கோ (அரவக்குறிச்சி), சிவகாமசுந்தரி (கிருஷ்ணராயபுரம்), டி.ஆர்.ஓ., கண்ணன், ஊரக வளர்ச்சி முகமை திட்ட இயக்குனர் ஸ்ரீலேகா தமிழ்ச்செல்வன், உதவி ஆணையர் (கலால்) கருணா-கரன் உள்பட பலர் பங்கேற்றனர்.