கரூர் வழக்கறிஞர் சங்கம் சார்பில், ஒருங்கிணைந்த நீதிமன்றம் முன், நேற்று ஆர்ப்பாட்டம் நடந்தது. அதில், பங்கேற்ற தமிழ்-நாடு புதுச்சேரி வழக்கறிஞர்கள் சங்க கூட்டமைப்பு தலைவர் மாரப்பன் நிருபர்களிடம் கூறியதாவது:கடந்த, 1 முதல் தமிழக நீதிமன்றங்களில் இ-பைலிங் முறை கட்-டாயப்படுத்தப்பட்டுள்ளது. அதை கண்டித்து மாநிலம் முழு-வதும், 80 ஆயிரம் வழக்கறிஞர்கள், நீதிமன்ற புறக்கணிப்பு போராட்டத்தில் ஈடுபட்டுள்ளனர்.இந்த முறையை வேண்டாம் என, வழக்கறிஞர்கள் சொல்லவில்லை.

தமிழக நீதிமன்றங்களில், இ-பைலிங் முறையை கையாளும் வகையில், அடிப்படை கட்டமைப்பு வசதிகள் இல்லை. மேலும், அடிக்கடி சர்வர் கிடைக்காததால், நீதிமன்றம் தொடர்பான ஆவ-ணங்களை கையாள முடியவில்லை. காலதாமதம் ஆகிறது. இதனால், தமிழகம் மற்றும் புதுச்சேரியில் இ-பைலிங் நடைமு-றையை நிறுத்தி வைக்க வேண்டும். பிசிகல் பில்லிங் முறையை நடை முறைப்படுத்த வேண்டும். இந்த கோரிக்கைகளை வலியு-றுத்தி வரும், 19 ல் சென்னை உயர்நீதிமன்றம் முன், வழக்கறி-ஞர்கள் ஆர்ப்பாட்டம் நடத்த உள்ளனர்.

இவ்வாறு, அவர் கூறினார்.

* குளித்தலை ஒருங்கிணைந்த நீதிமன்ற வளாகம் முன், வக்கீல் சங்கம் சார்பில் நடந்த கண்டன ஆர்ப்பாட்டத்திற்கு, வக்கீல் சங்க தலைவர் சாகுல் அமீது தலைமை வகித்தார். சங்க செயலாளர் சரவணன் மற்றும் மூத்த வழக்கறிஞர்கள் முன்னிலை வகித்தனர். ஆர்ப்பாட்டத்தில், 'இ-பைலிங்' முறையை உடனே ரத்து செய்ய வலியுறுத்தி, கண்டன கோஷம் எழுப்பினர். 50க்கும் மேற்பட்ட வக்கீல்கள் கலந்து கொண்டனர்.