கரூர் :கரூரில், சாலையின் நடுவே மின் கம்பங்கள் உள்ளதால், வாகன ஓட்டிகள் சிரமப்படுகின்றனர்.கரூர் அண்ணா நகர் பகுதி யில், வியாபார நிறுவனங்கள், மருத்துவமனைகள் மற்றும் 500க்கும் மேற்பட்ட வீடுகள் உள்ளன. இதனால், அந்த பகுதியில் வாகனங்கள் அதிகளவில் சென்று வருகின்றன. இந்நிலையில், அண்ணா நகரில் சாலையின் நடுவே மின் கம்பங்கள் உள்ளது. அதை வேறு இடத்தில் மாற்ற வேண்டும் என, அப்பகுதியை சேர்ந்த, பொதுமக்கள் கோரிக்கை வைத்தும், மின்வாரிய அதிகாரிகள் கண்டு கொள்ளாமல் உள்ளனர்.