இந்நிலையில், மாயனுார் ரயில்வே ஸ்டேஷன் பிளாட் பாரங்-களில் உள்ள, கழிப்பிடங்கள் பெரும் பாலும் பூட்டப்பட்டுள்ளன. இதனால், ரயில்வே ஸ்டேஷன் வளாகத்தில், கழிப்பிடம் கட்ட வேண்டும் என, பயணிகள் கோரிக்கை வைத்திருந்தனர். இதைய-டுத்து, நெய்வேலி பழுப்பு நிலக்கரி நிறுவனம் சார்பில், நவீன வசதிகளுடன் சில மாதங்களுக்கு முன் கழிப்பிடம் கட்டும் பணி துவங்கி, தற்போது நிறைவடைந்துள்ளது. புதிய கழிப்பிடத்தை பயணிகள் பயன்பாட்டுக்கு, திறந்து விடாமல் பூட்டி வைக்கப்பட்-டுள்ளது.இதனால், மாயனுார் ரயில்வே ஸ்டேஷனுக்கு வரும் பயணிகள், தொடர்ந்து திறந்த வெளி பகுதிகளை கழிப்பிடமாக பயன்படுத்தி வருகின்றனர். ரயில்வே ஸ்டேஷன் வளாகத்தில் உள்ள, கழிப்பி-டங்களை திறக்க நடவடிக்கை எடுக்க வேண்டும் என, கோரிக்கை விடுத்துள்ளனர்.