இந்த டாஸ்மாக் அமைந்துள்ள சாலையில் தினமும் ஏராளமான வாகனங்கள் சென்று வருகின்றன. கடையில் இருந்து குடித்து விட்டு வெளியே வரும் வாகன ஓட்டிகள், விபத்துகளில் சிக்கும் அபாயம் அதிகம் உள்ளது. மேலும் சாலையோரம் அமர்ந்து மது அருந்தி விட்டு, குடிமகன்கள் செய்யும் அடாவடியால், பெண்கள், குழந்தைகள் அச்சப்படுகின்றனர். மது பாட்டில், பிளாஸ்டிக் டம்ளர்களை சாலையில் வீசுகின்றனர்.

இதுமட்டுமல்லாது, சங்கிலி பறிப்பு போன்ற சட்ட விரோத செயல்களில் ஈடுபடுபவர்களின், புகலிடமாகவும் இந்த டாஸ்மாக் கடை மாறியுள்ளதாக புகார் எழுந்துள்ளது. முக்கியமான சாலையில் உள்ள டாஸ்மாக் கடையை வேறு இடத்துக்கு மாற்ற வேண்டும் என கலெக்டர் அலுவலகத்தில் பல்வேறு தரப்பினர் புகார் அளித்தும் கூட, தொடர்ந்து கடை செயல்பட்டு வருகிறது.

ஏதாவது பெரிய விபத்து அல்லது அசம்பாவித சம்பவம் நடக்கும் முன் டாஸ்மாக் கடையை அப்பகுதியில் இருந்து மாற்ற அதிகாரிகள் நடவடிக்கை எடுக்க வேண்டும்.