கரூர் நகரத்தார் சங்க மண்டபத்தில், திருக்குறள் பேரவையின், 39ம் ஆண்டு விழா மற்றும் குன்றக்குடி அடிகளாரின் நுாற்றாண்டு விழா நடந்தது. இதில், பேரவை செயலாளர் மேலை பழனி-யப்பன் தொடங்கி வைத்து பேசியதாவது: ஆன்மிக போராட்டம் மற்றும் சமுதாய ஒற்றுமையில், குன்றக்குடி அடிகளார் ஆற்றிய பணிகள் அளப்பரியது. திருக்குறளை உலகெங்கும் பரப்பியவர்; உன்னதமான மாமனிதர் ஆவார். நம்முடைய வாழ்க்கை வசப்-படும் வகையில், அற்புதமான கருத்துக்களை உள்ளடக்கிய உயிர் ஓவியம் திருக்குறள் ஆகும். திருக்குறளை மக்களுடைய வாழ்வியல் ஆக்க வேண்டும் என்ற எண்ணத்தோடு தான், இந்த விழா கொண்டாடப்பட்டு வருகிறது. பள்ளி மாணவர்களுக்கு திருக்குறளை கொண்டு சேர்க்கும் வகையில், மாணவ, மாணவிய-ருக்கு போட்டி நடத்தப்படுகிறது. சிறந்த நுால்களுக்கும் பரிசு வழங்கப்படுகிறது. இவ்வாறு அவர் பேசினார்.பின், சிறந்த நுால் போட்டி யில், மூத்த பத்திரிகையாளர் மதுரை திருமலை எழுதிய, 'நமக்கு எதற்கு வம்பு' என்ற நுாலுக்கு முதல் பரிசு; புதுச்சேரி தமிழ் பேராசிரியர் கிருங்கை சேதுபதியின், 'என்றும் வாழ்கிறார்கள்' என்ற கவிதை நுாலுக்கு, 2ம் பரிசு; சென்னை புனிதவதி எழுதிய, 'தாமரை நெஞ்சம்' என்ற நாவ-லுக்கும், கடவூர் மணிமாறன் எழுதிய, 'தமிழர் பரணி' என்ற நுாலுக்கும், 3ம் பரிசு வழங்கப்பட்டது. தொடர்ந்து, கட்டுரை போட்டியில் வெற்றி பெற்ற பள்ளி, -கல்லுாரி மாணவ, மாண-வியர், 40 பேருக்கு பரிசு வழங்கப்பட்டது. தொழிலதிபர் ரவி வீரப்பன், ஆதப்பன் உள்பட பலர் பங்கேற்றனர்.