குளித்தலை அடுத்த கம்மநல்லுார் கிராமத்தை சேர்ந்தவர் சுரேஷ், 38, விவசாய கூலி தொழிலாளி. இவர் கடந்த, 2021ல், கருப்பத்துாரை சேர்ந்த கோபால் கொலை வழக்கில், இரண்டு ஆண்டு தண்டனை வழங்கப்பட்டு, ஜாமினில் வெளிவந்து, ஒவ்-வொரு மாதம், 1ம் தேதி குளித்தலை குற்றவியல் நீதிமன்றம் எண்-1ல், கையெழுத்திட்டு வருகிறார்.இந்நிலையில் கடந்த, 6ம் தேதி இரவு 7:00 மணியளவில் மகா-தானபுரம் பேக்கரி அருகே டீ குடிப்பதற்காக சுரேஷ், அவரது மகன் விஷ்ணு, நண்பர் பிரசன்னா ஆகியோருடன் சென்றார். அப்-போது, அங்கு நின்று கொண்டிருந்த கருப்பத்துாரை சேர்ந்த நந்த-குமார், 25, உதயகுமார், 21, மாணிக்கவாசகம், 27, சகரன், சபரி ஆகிய ஐந்து பேர் சேர்ந்து, 2021ம் ஆண்டு இதே நாளில் எங்க அண்ணன் கோபாலை கொலை செய்தீர்கள்; உன்னை கொலை செய்வதற்காக நிற்கிறோம் என தகாத வார்த்தையால் பேசினர்.

பின், திடீரென மறைத்து வைத்திருந்த பட்டா கத்தி, வீச்சு அரி-வாளை எடுத்து சுரேஷை வெட்ட ஓடி வந்தனர். அதற்குள் சுரேஷ் மற்றும் அவர்களுடன் வந்தவர்கள் அங்கிருந்து தப்பினர். உன்னை கொல்லாமல் விட மாட்டேன் என கூறி விட்டு, ஐந்து பேரும் அங்-கிருந்து சென்றனர்.

இது குறித்து சுரேஷ் அளித்த புகார்படி, லாலாபேட்டை போலீசார் வழக்குப்பதிவு செய்து, நந்தகுமார், உதயகுமார், மாணிக்கவாசகம் ஆகிய மூன்று பேரை கைது செய்தனர். தலைம-றைவாக உள்ள இருவரை தேடி வருகின்றனர்.