குளித்தலை, பஸ் ஸ்டாண்ட் வணிக வளாகத்தில் இந்தியன் வங்கி ஏ.டி.எம்., மையத்தில் இரு நாட்களுக்கு முன்பு காலை, 9:15 மணியளவில் மேட்டுமருதுார் கிராமத்தை சேர்ந்த ஓய்வு பெற்ற ஆசிரியர் இளங்கோவன், 7,000 ரூபாய் எடுத்தபோது உள்ளே நுழைந்த மர்ம நபர் பணத்தை பறித்து கொண்டு காரில் தப்பினார்.'சிசிடிவி' காட்சிகளின் அடிப்படையில், விசாரணை மேற்-கொண்ட போலீசார் திருச்சி மாவட்டம், பெட்டவாய்த்தலை காந்திநகரை சேர்ந்த மதன்குமார், 35, குளித்தலை அருகே நல்-லுாரை சேர்ந்த சசிகுமார், 29, ஆகியோரை கைது செய்தனர்.

போலீசார் பிடிக்கும்போது, தப்பியோடிய இருவரும் கீழே தவறி விழுந்ததில் கை முறிவு ஏற்பட்டு, கரூர் அரசு மருத்துவம-னையில் சிகிச்சை பெற்றனர்.

கைது செய்யப்பட்ட இருவரையும், நேற்று மதியம் கரூர் மாவட்ட ஒருங்கிணைந்த நீதிமன்றத்தில் ஆஜர் செய்யப்பட்டு, குளித்தலை கிளை சிறையில் அடைத்தனர்.