மகாதானபுரம் வடக்கு கிராம வி.ஏ.ஓ.,வாக, பிரபு, 46, என்பவர் உள்ளார். இவர், வாரிசு சான்றிதழுக்கு ஒப்புதல் அளிக்க, சதீஷிடம், 3,000 ரூபாய் லஞ்சம் கேட்டுள்ளார். லஞ்சம் கொடுக்க விரும்பாத சதீஷ், கரூர் லஞ்ச ஒழிப்பு போலீசில் புகாரளித்தார்.

நேற்று மதியம், 12:30 மணிக்கு, போலீசாரின் ஆலோசனைப்படி, ரசாயனம் தடவிய, 3,000 ரூபாயை, அலுவலகத்தில் இருந்த வி.ஏ.ஓ., பிரபுவிடம், சதீஷ் கொடுத்துள்ளார். அப்போது, அங்கு மறைந்திருந்த போலீசார், வி.ஏ.ஓ., பிரபுவை கையும் களவுமாக பிடித்து கைது செய்தனர்.