கரூர் அருகே, மாயனுார் கதவணைக்கு நேற்று முன்தினம் வினாடிக்கு, 45 ஆயிரத்து, 565 கன அடி தண்ணீர் வந்தது. நேற்று காலை, 8:00 மணி நிலவரப்படி வினாடிக்கு, 69 ஆயிரத்து, 870 கன அடியாக, தண்ணீர் வரத்து அதிகரித்தது. அதில், டெல்டா பாசன பகுதிக்கு சாகுபடி பணிக்காக, காவிரியாற்றில், 69 ஆயிரத்து, 70 கன அடி தண்ணீரும், மூன்று பாசன வாய்க்காலில், 800 கன அடி தண்ணீரும் திறக்கப்பட்டுள்ளது.

* க.பரமத்தி அருகே கார்வாழி ஆத்துப்பாளையம் அணைக்கு, நேற்று காலை, 8:00 மணி நிலவரப்படி வினாடிக்கு, 356 கன அடி தண்ணீர் வந்தது. 26.90 அடி உயரம் கொண்ட அணையின் நீர்மட்டம், 16.72 அடியாக இருந்தது. மழை காரணமாக அணையில் இருந்து, நொய்யல் ஆற்றில் தண்ணீர் திறப்பு, தற்காலிமாக நிறுத்தப்பட்டுள்ளது.