கிருஷ்ணகிரி: கிருஷ்ணகிரி பழையபேட்டை லட்சுமி நரசிம்ம சுவாமி கோவில், 38வது ஆண்டு பிரம்மோற்சவ விழா கடந்த, 15ல் துவங்கியது. நேற்று காலை, 6:00 மணிக்கு, சுவாமிக்கு அபிஷேகம், பிரகார உற்சவமும், 10:00 மணிக்கு, லட்சுமி நரசிம்ம சுவாமிக்கு திருக்கல்யாணமும், மாங்கல்யதாரணமும் நடந்தன. திருக்கல்யாணம் முடிந்து ஸ்ரீதேவி, பூதேவி சமேதராய் சிறப்பு அலங்காரத்தில் நரசிம்மர் அருள் பாலித்தார். இதில் திரளான பக்தர்கள் பங்கேற்றனர்.