போச்சம்பள்ளி: கிருஷ்ணகிரி மாவட்டம், போச்சம்பள்ளியில் தமிழ்நாடு சிறப்பு காவல் படை, 7ம் அணி செயல்பட்டு வருகிறது. போலீசாக தேர்வு செய்யப்பட்டவர்கள், அதேபோல் போலீஸ் பயிற்சியில் உள்ளவர்கள் மற்றும் அலுவலக பணியாளர்கள் என, 800க்கும் மேற்பட்டோர் உள்ளனர். இவர்கள் பணியிலுள்ள நேரம் போக மற்ற நேரங்களில், இலக்கியம், கவிதை, பொது அறிவுத்திறனை மேன்மேலும் வளர்க்க ஏதுவாக, தமிழ்நாடு சிறப்பு காவல்படை, 7ம் அணி எஸ்.பி., சங்குவின் துரித நடவடிக்கையால், நேற்று, 'குறிஞ்சி நுாலகம்' திறக்கப்பட்டது. இந்த நுாலகத்திற்கு பலதரப்பட்ட தொழில் முனைவோர் மற்றும் வர்த்தகர்கள் பங்களிப்பை அளித்துள்ளனர்.