நேற்று காலை, 7:00 மணிக்கு வீரபத்திர சுவாமி கரகம் அலங்கரித்தல், தோட்ராய சுவாமி, வீரபத்திர சுவாமி, லக்கம்ம சுவாமி, சிக்கம்ம சுவாமி, காவேரியம்ம சுவாமி ஊர்வலம் நடந்தன. அருள் வந்த பக்தர்களின் தலையில், பூசாரி தேங்காய் உடைத்தார். தொடர்ந்து தீர்த்தப்பிரசாதம், அன்னதானம் வழங்கப்பட்டன.

பின்னர், தலைமுடி காணிக்கை செலுத்துதல், முன்னோர்களுக்கு படைத்தல், பொங்கல் வைத்தல், மா விளக்கு எடுத்தல், மேல் விளக்கு ஏற்றுதல் ஆகியவை நடந்தன. இரவு, 7:00 மணிக்கு, சாமுண்டீஸ்வரி அம்மன் பூ கரகம், பல்லக்கு பூந்தேர் பம்பை, தப்பட்டையுடன் ஊர்வலமும், வாணவேடிக்கையும் நடந்தன. ஏராளமானவர்கள் பங்கேற்றனர்.