ஓசூர்: ஓசூர், பேகேப்பள்ளி எழில் நகரில், பிரஜாபிதா பிரம்மா குமாரிகள் ஈஸ்வரிய விஷ்வ வித்யாலயம் சார்பில், புதிய பாடசாலை திறப்பு விழா மற்றும் 12 ஜோதிர்லிங்க கண்காட்சி, துாய்மையான மற்றும் ஆரோக்கியமான சமுதாயத்திற்கான ஆன்மிக அறிமுக நிகழ்ச்சி என, முப்பெரும் விழா நேற்று நடந்தது. மண்டல பொறுப்பாளர் சரோஜா தலைமை வகித்தார். ஓசூர் கிளைத்தலைவர் ராமலிங்கம், தொழிலதிபர் ராஜேந்திரன் முன்னிலை வகித்தனர். ஜி.எஸ்.டி., மத்திய கலால் வரித்துறை உதவி ஆணையர் ராஜேஷ், ஓசூர் பேகேப்பள்ளி பஞ்., தலைவர் அருண்குமார், பெங்களூரு சஞ்சய் நகர் சென்டர் பொறுப்பாளர் சோனி ஆகியோர், 12 ஜோதிர்லிங்க தரிசன கண்காட்சியை திறந்து வைத்து பேசினர்.