கிருஷ்ணகிரி மாவட்டம், ஓசூர் வனச்சரகத்திற்கு உட்பட்ட சானமாவு காப்புக்காட்டில், 10 யானைகளும், போடூர்பள்ளம் வனத்தில், 2 யானைகளும் முகாமிட்டிருந்தன. நேற்று முன்தினம் அதிகாலை ராயக்கோட்டை வனச்சரகத்திற்கு உட்பட்ட ஊடே-துர்க்கம் காப்புக்காட்டிலிருந்து வெளியேறிய, 20க்கும் மேற்பட்ட யானைகள், சானமாவு வனப்பகுதிக்கு இடம் பெயர்ந்தன. அவற்றை, நேற்று முன்தினம் மாலை தேன்கனிக்கோட்டை வனப்பகுதி நோக்கி வனத்துறையினர் விரட்டியடித்தனர். கெல-மங்கலம் அருகே, உத்தனப்பள்ளி சாலையை கடந்த யானைகள், தேன்கனிக்கோட்டை வனப்பகுதிக்கு நேற்று அதிகாலை சென்-றன. யானைகள் சாலையை கடக்க ஏதுவாக, வனத்துறையினர் இருபுறமும் போக்குவரத்தை நிறுத்தி, யானைகள் சென்ற பின் அனுமதித்தனர். தேன்கனிக்கோட்டை வனப்பகுதியில் ஏற்கனவே, 10க்கும் மேற்பட்ட யானைகள் முகாமிட்டிருந்த நிலையில், தற்போது மேலும், 20 யானைகள் இடம் பெயர்ந்துள்ளதால், வனத்தை ஒட்-டிய கிராம மக்கள் பாதுகாப்பாக இருக்குமாறும், ஆடு, மாடு மேய்க்கவோ, விறகு சேகரிக்கவோ வனத்திற்கு செல்ல வேண்டாம் என்றும், வனத்துறையினர் எச்சரித்துள்ளனர்.