நேற்று ஒரே நாளில், 219 விவசாயிகள் தங்களது விளை பொருட்களை விற்க கொண்டு வந்திருந்தனர். 24,475 கிலோ காய்கறி, 7,960 கிலோ பழங்கள், 415 கிலோ பூக்கள் என மொத்தம், 32,850 கிலோ காய்கறி, பழங்கள் விற்பனையாகின. இதன் மொத்த மதிப்பு, 11.60 லட்சம் ரூபாயாகும். 6,535 பேர் உழவர் சந்தைக்கு வந்து பொருட்களை வாங்கி சென்றனர்.

நிழல் இல்லாத நாள்

ராசிபுரம்:சூரியனுக்கு குறிப்பிட்ட துாரத்தில் பூமி வரும்போது, பொருட்கள் மீது செங்குத்தாக நிழல் விழுகிறது. அந்த சமயத்தில் பொருளின் நிழல் கீழே தெரியாது. இதை நிழல் இல்லாத நாளாக அறிவியல் குறிப்பிடுகிறது. தமிழகத்தில், தற்போது சில நாட்களாக ஒவ்வொரு பகுதியாக நிழல் இல்லாத நாளாக உள்ளது.

இதுகுறித்து, தமிழ்நாடு அறிவியல் இயக்கம், பொதுமக்களிடம் விளக்கி வருகிறது. நேற்று ராசிபுரம், ஊட்டி, துறையூர், சங்ககிரி, அன்னுார், அவிநாசி, குன்னுார், நாமக்கல், குமாரபாளையம், பரமத்தி, சேந்தமங்கலம் உள்ளிட்ட பகுதிகளில், குறிப்பிட்ட நேரத்தில் நிழல் இல்லாமல் இருந்தது. ராசிபுரத்தில், மதியம், 12:16 மணிக்கு நிழல் விழாமல் இருந்தது. நகராட்சி நடுநிலைப்பள்ளி தலைமை ஆசிரியர் பாரதி மற்றும் அறிவியல் கழக நிர்வாகிகள் இதுகுறித்து செய்முறை மூலம் பொதுமக்களுக்கு விளக்கினர்.