ஓசூர், :ஓசூரில் உள்ள ராயக்கோட்டை சாலையில், அ.தி.மு.க., ஜெ., பேரவை சார்பில், கடந்த அ.தி.மு.க., ஆட்சியின் நான்கரை ஆண்டு சாதனை குறித்த துண்டு பிரசுரம் வழங்கும் விழா நடந்தது. ஜெ., பேரவை மாவட்ட செயலாளர் சிட்டி ஜெகதீசன் தலைமை வகித்தார். பகுதி செயலாளர் ராஜூ முன்னிலை வகித்தார். கிருஷ்ணகிரி மேற்கு மாவட்ட செயலாளர் பாலகிருஷ்ணாரெட்டி, கலசபாக்கம் முன்னாள் எம்.எல்.ஏ., பன்னீர்செல்வம் ஆகியோர், பொதுமக்கள், வியாபாரிகளுக்கு துண்டு பிரசுரங்களை வழங்கினர்.