கிருஷ்ணகிரி கலெக்டர் அலுவலகத்தில், நேற்று விவசாயிகள் குறைதீர் கூட்டம் கலெக்டர் தினேஷ்குமார் தலைமையில் நடந்தது. டி.ஆர்.ஓ., சாதனைக்குறள் முன்னிலை வகித்தார். இக்கூட்டத்தில் விவசாயிகள் பேசிய விபரம்:

விவசாயி சிவாகிருஷ்ணன்: அஞ்செட்டி, தளி, கெலமங்கலம், சூளகிரி ஒன்றியங்களில் உள்ள மலைவாழ் மக்களுக்கு இலவச வீட்டுமனை பட்டா வழங்க வேண்டும்.

கலெக்டர் தினேஷ் குமார்: பழங்குடி, பட்டியலின மக்களுக்கு இலவச வீட்டுமனை பட்டா வழங்க நடவடிக்கை எடுக்கப்பட்டுள்ளது. 5 ஆண்டுகளுக்கு மேல் ஒரே இடத்தில் குடியிருந்து வருபவர்கள் இலவச வீட்டுமனை பெற, மே 2 முதல் உரிய ஆவணங்களுடன் விண்ணப்பிக்கலாம்.

செந்தில்குமார் அத்திப்பள்ளம்: மாம்பழங்களுக்கான விலையை நிர்ணயம் செய்ய வேண்டும்.