கிருஷ்ணகிரி மாவட்டம், ஓசூர் பத்தலப்பள்ளியில் தேசிய நெடுஞ்சாலையோரம், 50 கோடி ரூபாய் மதிப்பில், புதிய புறநகர் பஸ் ஸ்டாண்ட் கட்டப்படுகிறது. 80 சதவீதத்திற்கும் மேலான பணிகள் முடிந்து விட்டன.

பஸ் ஸ்டாண்ட் திறக்கப்பட்டு பயன்-பாட்டிற்கு வந்தால், பஸ்கள் வந்து செல்லும்போது, ஓசூர் - கிருஷ்ணகிரி - பெங்களூரு தேசிய நெடுஞ்சாலையில் கடும் போக்குவரத்து நெரிசல் ஏற்படும். அதை கருத்தில் கொண்டு, உயர்மட்ட மேம்பாலம் கட்ட, 37.90 கோடி ரூபாய் ஒதுக்கப்பட்டுள்ளது. கடந்தாண்டு பிப்., மாதமே டெண்டர் அறிவிக்கப்பட்டு, பாலம் கட்டும் பணி தனியார் நிறு-வனம் வசம் ஒப்படைக்கப்பட்டது. ஆனால், ஓராண்டாக பணி துவங்கப்படாமல் இருந்தது. இது குறித்து, கடந்த, ௭ம் தேதி நம் நாளிதழில் செய்தி வெளியானது. இதையடுத்து பத்தலப்பள்ளி பகுதியில், கடந்த, ௮ம் தேதி தேசிய நெடுஞ்சாலைத்துறை உயர்-மட்ட மேம்பாலம் கட்டும் பணியை துவங்கியது. அதனால், ஓசூர் - கிருஷ்ணகிரி - பெங்களூரு தேசிய நெடுஞ்சாலையில், பாலம் பணி நடக்கும், ஒரு கி.மீ., துாரத்திற்கு, சர்வீஸ் சாலையில் வாக-னங்கள் திருப்பி விடப்பட்டுள்ளன. அதனால், சாலையின் இருபு-றமும் போக்குவரத்து நெரிசல் ஏற்பட்டு, வாகனங்கள் தேசிய நெடுஞ்சாலையில் அணிவகுத்தன. பாலம் பணிகள் முடிய ஒன்-றரை ஆண்டுகள் ஆகலாம். அதுவரை, இந்த குறிப்பிட்ட பகு-தியில், சர்வீஸ் சாலையில் தான் வாகனங்கள் செல்லும்.

இந்த, ஒரு கி.மீ., துாரத்தை கடக்க அதிகபட்சம், 15 நிமிடங்க-ளுக்கு மேலாகும். எனவே, தமிழகத்தின் பல்வேறு பகுதிகளிலி-ருந்து, ஓசூர் வழியாக பெங்களூரு செல்வோர் மற்றும் அங்கிருந்து தமிழகத்திற்கு வருவோர், தங்களது பயணத்தை முன்கூட்டியே திட்டமிட்டு கொள்ள வேண்டும். இல்லாவிட்டால், குறிப்பிட்ட நேரத்திற்குள் தாங்கள் நினைத்த இடத்திற்கு செல்ல முடியாது.

பேரண்டப்பள்ளியில் திருப்பி விடலாம்

கிருஷ்ணகிரியிலிருந்து, ஓசூர், பெங்களூரு செல்லும் வாகனங்-களை, பேரண்டப்பள்ளியிலிருந்து தொரப்பள்ளி வழியாக, ராயக்-கோட்டை சாலைக்கு செல்ல வைத்து, அங்கிருந்து ஓசூர் வந்து, ரிங்ரோடு அசோக் பில்லரில் திரும்பி, சீத்தாராமேடு பகுதியில் தேசிய நெடுஞ்சாலையை அடையும் வகையில் திருப்பி விடலாம். அதனால், பாலம் அமைக்கும் இடத்தில்

போக்குவரத்து நெரிசல் குறையும்.