கிருஷ்ணகிரி, தமிழக அரசு, மகளிருக்கு மாதந்தோறும் உரிமைத்தொகை வழங்குவது குறித்து பேசிய, தேசிய மகளிர் ஆணைய உறுப்பினரும், பா.ஜ., நிர்வாகியுமான குஷ்பு, 'தாய்மார்களுக்கு, 1,000 ரூபாய் கொடுத்தால், பிச்சை போட்டால், மக்கள் ஓட்டு போடுவார்களா' என பேசினார். இதற்கு எதிர்ப்பு தெரிவித்தும், குஷ்புவை கண்டித்தும், கிருஷ்ணகிரி ரவுண்டானாவில், தி.மு.க., மகளிரணியினர் ஆர்ப்பாட்டம் நடத்தினர். நகராட்சி தலைவர் பரிதா நவாப் தலைமை வகித்தார். அப்போது குஷ்புவின் படத்திற்கு மாலை அணிவித்தும், துடைப்பம், செருப்பால் அடித்தும், தி.மு.க., மகளிரணியினர் தங்கள் எதிர்ப்பை வெளிப்படுத்தினர்.