கிருஷ்ணகிரி மின்வாரிய மேற்பார்வை பொறியாளர் அலுவலக வளாகத்தில், 20 அம்ச கோரிக்கைகளை வலியுறுத்தி, அனைத்து தொழிற்சங்க கூட்டு நடவடிக்கை குழு சார்பில், நேற்று கவன ஈர்ப்பு உள்ளிருப்பு போராட்டம் நடந்தது. பொறியாளர் கழகம் ஜெயபிரகாஷ், பொறியாளர் சங்கம் சரவணன், ஐக்கிய தொழி-லாளர் பொறியாளர் சங்கம் கிரிதரன், அண்ணா தொழிற்சங்கம் மோகன் ஆகியோர் கூட்டு தலைமை வகித்தனர்.

உள்ளிருப்பு போராட்டத்தில், ஊதிய ஒப்பந்த பேச்சுவார்த்-தையில் அலுவலர் அல்லாத மின்வாரிய பணியாளர்களுக்கு மட்டும், ஊதிய உயர்வு என்ற மின்வாரியத்தின் அறிவிப்புக்கு எதிர்ப்பு தெரிவிப்பது. மின்வாரியத்தில் காலியாக உள்ள, 55,000 பணியிடங்களை உடனே நிரப்ப வேண்டும். நீண்ட

காலமாக ஒப்பந்த அடிப்படையில் பணியாற்றும் பணியாளர்-களை பணி நிரந்தரம் செய்ய வேண்டும். பணியாளர்கள் ஓய்வு பெறும்போது, உரிய நேரத்தில் ஓய்வு கால பணப்பலன்களை வழங்க

வேண்டும்.

பிற அரசு ஊழியர்களுக்கு வழங்கப்படும் குடும்ப நல நிதியான, 5 லட்சம் ரூபாயை, மின்வாரியத்திலும் அமல்படுத்த வேண்டும் என்பன உள்ளிட்ட, 20 அம்ச கோரிக்கைகளை வலியுறுத்தி, கண்-டன கோஷங்களை எழுப்பினர்.