கிருஷ்ணகிரி ஆர்.டி.ஓ., அலுவலகம் மற்றும் கிருஷ்ணகிரி நகராட்சி அலுவலகத்தில், பூர்த்தி செய்த வாக்காளர் கணக்கீட்டு படிவங்கள், இணையதளத்தில் பதிவேற்றம் செய்யும் பணியை, மாவட்ட தேர்தல் அலுவலரும், கலெக்டருமான தினேஷ்குமார் ஆய்வு செய்து, அவர் பேசியதாவது:

கிருஷ்ணகிரி மாவட்டத்தில், வாக்காளர் பட்டியல், 'சிறப்பு தீவிர திருத்த பணிகள் -2026' நடந்து வருகிறது. இதன் ஒரு பகுதியாக கடந்த, 4 முதல், வீடு வீடாக கணக்கெடுப்பு படிவங்கள் வாக்குச்சாவடி நிலை அலுவலர்கள் மூலம், வாக்காளர்களுக்கு வழங்கப்பட்டு, அவை பூர்த்தி செய்து, திரும்ப பெறப்பட்டு வருகிறது. அவ்வாறு பெறப்பட்டு வரும் படிவங்கள், வாக்குச்சாவடி நிலை அலுவலர்கள் மற்றும் தன்னார்வலர்கள் மூலம், கிருஷ்ணகிரி மாவட்டத்தில் உள்ள, 6 சட்டசபை தொகுதிகளிலும் இணையதளத்தில் பதிவேற்றம் செய்யும் பணி நடந்து வருகிறது. மேலும் பொதுமக்கள், தங்களது பூர்த்தி செய்த கணக்கீட்டு படிவங்களை வாக்குச்சாவடி நிலை அலுவலர்களிடம் திரும்ப ஒப்படைக்க வேண்டும்.

இவ்வாறு, அவர் பேசினார்.