ஓசூர்: ஓசூர் அருகே, புனுகன்தொட்டியை சேர்ந்தவர் ராமாரெட்டி மனைவி அனுசுயம்மா, 65. கடந்த, 28 காலை, 10:45 மணிக்கு, தன் வீட்டின் அருகே அமர்ந்திருந்தார். அப்போது அவ்வழியாக வந்த, 40 வயது மதிக்கத்தக்க பெண் மற்றும் ஆண், அனுசுயம்மா-விடம் பேச்சு கொடுத்து, திருடர்கள் நடமாட்டம் உள்ளது. அதனால், நகையை கழற்றி கொடுங்கள். உங்கள் சேலையில் கட்டி கொடுக்கிறேன் எனக்கூறி, அனுசுயம்மாவிடம் இருந்து, 4 பவுன் நகையை, இருவரும் வாங்கினர்.