ஓசூர்: அகில இந்திய கால்பந்து கழகம் சார்பில் கால்பந்து பயிற்சியாளர்களுக்கான பயிற்சி வகுப்பு முகாம் ஓசூர் அதியமான் இன்ஜினிரிங் கல்லூரியில் நேற்று துவங்கியது.முகாமை கல்லூரி முதல்வர் ரங்கநாத் துவக்கி வைத்து பேசினார். முகாமில், இந்திய கால்பந்து அணியில் விளையாடிய 15 வீரர்கள் கலந்து கொண்டு பயிற்சியாளருக்கான பயிற்சி பெறுகின்றனர்.இந்தியா முழுவதும் இருந்து 26 வீரர்கள் பயிற்சி முகாமில் கலந்து கொண்டனர். அகில இந்திய கால்பந்து கழக பயிற்சியாளர்கள் வின்சன் சுப்பிரமணியம், கேப்ரியல் ஜோசப் ஆகியோர் பயிற்சி அளிக்கின்றனர்.