கிருஷ்ணகிரி: கிருஷ்ணகிரி நகராட்சியில், உள்ளாட்சி தேர்தலுக்கான ஓட்டுச்சாவடிகள் அமைப்பது குறித்து ஆலோசனை கூட்டம் நடந்தது.தமிழகத்தில் நடக்கவுள்ள உள்ளாட்சி தேர்தலுக்காக, கிருஷ்ணகிரி நகராட்சியின், 33 வார்டுகளில் அமைக்கப்பட்டுள்ள ஓட்டுச்சாவடிகளின் வரைவு பட்டியல் கடந்த 8ம் தேதி நகராட்சியின் மூலம் வெளியிடப்பட்டது. ஓட்டுச்சாவடிகள் அமைப்பது தொடர்பான ஆலோசனை கூட்டம் கமிஷனர் லோகநாதன் தலைமையில் நடந்தது.கூட்டத்தில், வரைவு ஓட்டுச்சாவடி பட்டியலுக்கு அரசியல் கட்சியை சேர்ந்தவர்கள் ஒரு மித்த ஒப்புதுல் அளித்து நடக்கவுள்ள உள்ளாட்சி தேர்தலை சுமூகமாக நடத்த தங்களது முழு ஒத்துழைப்பு தருவதாக தெரிவித்தனர்.