கிருஷ்ணகிரி: கிருஷ்ணகிரி கே.ஆர்.பி., அணைக்கு, தர்மபுரி, திருப்பத்துார் மற்றும் கர்நாடகா, ஆந்திரா மாநிலங்களில் இருந்தும் ஏராளமான சுற்றுலா பயணிகள் வந்து செல்கின்றனர். இம்மாவட்ட மக்களின் ஒரே பொழுதுபோக்கு அம்சமாக உள்ளது கே.ஆர்.பி., அணை. இது தற்போது மது குடிக்கும் பாராக மாறி வருகிறது. அணை பூங்கா, நீர்திறப்பு பகுதி, இடது மற்றும் வலதுபுற கால்வாய் என, அனைத்து பகுதிகளிலும் குடிமகன்கள் பலர் தினமும் மது குடித்து விட்டு, பாட்டில்களையும், பிளாஸ்டிக் டம்ளர்களையும் வீசிச் செல்கின்றனர். இவை திரும்பிய பக்கமெல்லாம் சிதறி கிடப்பதால், இங்கு வரும் சுற்றுலா பயணிகள் முகம் சுளிக்கும் படி உள்ளது. இது குறித்து, பொதுப்பணித்துறை அலுவலர்கள், பல முறை புகார் தெரிவித்தும், போலீசார் கண்டு கொள்ளாமல் உள்ளனர்.