தேவகானப்பள்ளி அருகே தைலதோப்பிற்குள் சென்றபோது, லட்சுமி நாராயணனின் நண்பர்களான பாரந்துார் பசவராஜ், 29, எஸ்.முதுகானப்பள்ளி சந்தோஷ்குமார், 29, இருந்தனர். அவர்கள் மூவரும், வெங்கடேசப்பாவிடம் செலவுக்கும், குடிப்பதற்கும் பணம் தர கேட்டனர். பணம் கொடுக்க மறுத்த வெங்கடேசப்பாவை கத்தியால் குத்திக்கொலை செய்த மூவரும், அவரது பாக்கெட்டில் இருந்த, 8,550 ரூபாயை எடுத்து கொண்டு தப்பினர். இக்கொலையில், அவர்கள் மூவரையும் தளி போலீசார் கைது செய்தனர். இந்த வழக்கு, ஓசூர் கூடுதல் மாவட்ட மற்றும் அமர்வு நீதிமன்றத்தில் நடந்தது. வழக்கை நேற்று விசாரித்த நீதிபதி ரோஸ்லின் துரை, குற்றம்சாட்டப்பட்ட லட்சுமிநாராயணன், பசவராஜ், சந்தோஷ் ஆகியோருக்கு ஆயுள் தண்டனையும், தலா, 2,000 ரூபாய் அபராதமும் விதித்து தீர்ப்பளித்தார். இந்த வழக்கில் அரசு தரப்பில் வக்கீல் சின்னபில்லப்பா ஆஜராகினார்.