கிருஷ்ணகிரி, சென்னை தமிழக சுகாதார பாதுகாப்புத்துறை, மாவட்ட நிர்வாகத்துடன் இணைந்து, 36 மருத்துவ கல்லுாரி மருத்துவமனைகளில் உயிர் காக்கும் முதலுதவி சிகிச்சை குறித்து பயிற்சி அளித்து வருகிறது. அதன்படி, கிருஷ்ணகிரி அரசு மருத்துவமனையில் பள்ளி, கல்லுாரி மாணவர்கள், தன்னார்வலர்கள், பொதுமக்கள், போலீசார், நெடுஞ்சாலை ரோந்து பணியாளர்கள், ஆசிரியர்கள், அரசு, தனியார் ஊழியர்கள், பல்நோக்கு மருத்துவமனை பணியாளர்களுக்கு, அவசர காலங்களில் அடிப்படை உயிர் ஆதரவு அளிக்கும் நுட்பங்கள் குறித்து, ஐந்தாம் கட்ட பயிற்சி நடந்தது.