ஓசூர்: கர்நாடகா எல்லையில், போலீசாரை தாக்கி விட்டு தப்பிய ரவுடி சுட்டு பிடிக்கப்பட்டார்.கர்நாடகா மாநில எல்லையான ஆனைக்கல் அருகே பெஸ்தமனஹள்ளியை சேர்ந்தவர் லோகேஷ், 35. இவர் மீது, கர்நாடகா மாநில ஸ்டேஷன்களில் பல வழக்குகள் உள்ளன. அப்பகுதியில் ரவுடியாக வலம் வந்தார்; கடந்த சில நாட்களுக்கு முன், அப்பகுதியை சேர்ந்த மனோஜ் மீது, லோகேஷ் கூட்டாளிகள் தாக்குதல் நடத்தினர். ஜிகினி போலீசார், ரவுடி லோகேஷ் மற்றும் அவரது கூட்டாளிகளை தேடிய நிலையில், மாயச்சந்திரத்தில் ரவுடி லோகேஷ் பதுங்கியிருப்பதாக, நேற்று தகவல் கிடைத்தது.