இதற்கிடையே, ஊடேதுர்க்கம் காப்புக்காட்டில் தாயை பிரிந்த, 2 வயது ஆண் குட்டி யானை சுற்றித்திரிகிறது. அதை, மற்ற யானைகள், தங்களுடன் சேர்க்காமல் உள்ளன. அதனால், குட்டி யானையின் நடமாட்டத்தை வனச்சரகர் வெங்கடாசலம் மற்றும் வனத்துறையினர் கண்காணித்து வருகின்றனர்.

யானை உணவு உட்கொள்வதால், அதை பிடித்து சிகிச்சையளிக்க அவசியமில்லை என, வனத்துறையினர் கூறுகின்றனர். இருந்தாலும், அதன் நடமாட்டத்தை கண்காணிக்க, உயரதிகாரிகள் உத்தரவிட்டுள்ளனர். ஊடேதுர்க்கம் வனப்பகுதியிலுள்ள குட்டி யானை, தர்மபுரி மாவட்டத்தில் மின்சாரம் தாக்கி உயிரிழந்த பெண் யானையின் குட்டியாக இருக்கலாம் என்ற சந்தேகம் வனத்துறைக்கு உள்ளது.