போச்சம்பள்ளி, கிருஷ்ணகிரி மாவட்டம், பண்ணந்துார் அடுத்த, பாப்பாரப்பட்டியில் அரசு தொடக்கப்பள்ளி செயல்பட்டு வருகிறது. இதில் 36 மாணவ, மாணவியர் படிக்கின்றனர். இங்கு, 2 வகுப்பறை கொண்ட கட்டடம் உள்ளது. இதில், கடந்த ஒரு மாதத்திற்கு முன்பு, கூரை சிமென்ட் பூச்சு ஆங்காங்கே பெயர்ந்து விழும் நிலையில் இருந்தது. பள்ளி நிர்வாகம் பெயர்ந்து விழும் நிலையில் இருந்த சிமென்ட் பூச்சுகளை அகற்றி விட்டு, அப்படியே அந்த கட்டட வளாகத்தினுள் மாணவ, மாணவியரை அமர வைத்து, தொடர்ந்து வகுப்புகள் நடத்தி வருகின்றனர்.